عمرك حسيت انك منافق؟؟؟؟؟؟
اه منافق
يعنى بتعمل حاجة و نقيضها!!!!!
علامات تعجب كتير محدش فاهم ايه اللى بقوله ده صح
اصلى ساعات بحس انى منافقة بصلى و اسمع اغانى
بصوم و اشتم -بدعى ربنا و انا قلبى مش صافى و مش خالص لله و فيه حاجة تانية شاغلة قلبى ده نفاق برده
احساسا وحش اوى انك تكون منافق و متضايق مين عايز ربنا يقبل دعوتك و انت مش بتعبده حق عباده العباده اللى يستحقها بعد كل النعم ده اللى ربنا رزقك بيها
شوف\شوفى كام حاجة بتعملها غلط فى حياتك و تيجى تدعى ربنا مايستجبش
كام مرة شتمت ابنك او بنتك او طول عمرك كنت سليط اللسان و دعيت ربنا و سالت نفسك ليه ربنا ماستجبش
طول عمرك منتظم فى الصلاة بس فى حاجة فى قلبك شغلاك عن حب ربنا الخالص ليه وحدة لا شريك له
ياللى خليت السيجارة الهك و مابقتش تقدر تشتغنى عنها
و عشانها اتخليت عن صحتك (اللى نعمة نت ربنا برده)و عن صحة ولادك و عن مالك اللى بيتحرق مع كل سيجارة
و تكون بتصلى بس حاسس بضيق و تسال ليه ماتعرفش جواب اعرف ان قلبك فى حد شاغله غير ربنا
انا كمان مش بعفى نفسى من الغلط انا اكيد بغلط و بعمل حاجات و نقيضها
نفسى ربنا يقبل توتبتى نفسى ابطل اعمل الصغائر عشان يقينى ربنا الكبائر و عشان ماتبقاش كبائر
7 اللى زارونى:
السلام عليكم
كلامك صحيح جدا بي احنا مش ملايكة عارفة النبى صلى الله عليه وسلم قال "لو لم تذنبوا لذهب الله بكم وجاء بقوم اخرين يذنبون فيستغفرون الله فبغفر لهم"
و قال"ان عبدا أذنب ذنبا فقال:اللهم اغفر لى ذنبى فانه لا يغفر الذنوب الا انت ثم أذنب ذنبا فقال:اللهم أغفر لى ذنبى فانه لا يغفر الذنوب الا انت ثم اذنب ذنبا فقال: اللهم أغفر لى ذنبى فانه لا يغفر الذنوب الا انت فقال الله عز وجل:علم عبدى أن له ربا يأخذ بالذنب ويعفو عن الذنب فليفعل عبدى ما شاء"
"كل ابن خطاء وخير الخطأون التوابون"
تحياتى ليكى
حبيبتى
الحمد لله ان الله من عليك بنفس لوامه
أظن ان دى أهم شئ فى الحياة علشان نراجع تصرفاتنا ونشوف هنروح لفين بأفعالنا
ربنا يبارك فيك يا حبيبتى العاقله
انا اعمل ايه بنوته صغيورة وبنوته كمان
ربنا يحفظكم يظهر كلمة بنوته بتدل على العقل ربنا يكملكم بعقلكم
موضوع رهيب قوي
بتجيبي الكلام ده منين وانتي كلك فسفوسة صغيرة؟
يللا بقى أعمل إيه ربنا رازقني ببنوتات عاقلين قوي جدا خالص
شوفي بقى يارودي
بالنسبة لأني حسيت بالإحساس بتاع النفاق ده
أيوه حسيته كتيييييييييييييير
بس اللي بيطمني شويه صغيرين مش كتير إني دايما قلقانة ومخنوقة وبفكر في ربنا
تقدري تقولي إني في صراع دائم مع الشيطان لعنة الله عليه
هقولك على حاجه الحرامي بيتسلل لبيت عامر ولا لبيت خربان ؟
أكيد هيدخل البيت العامر علشان يسرقه
الشيطان كده برضه لأنه عدونا بييجي للناس اللي بتحب ربها وبتحب ترضيه ويوسوس ليهم ويخليهم يعملوا الحاجات اللي انتي متضايقه منها وبتخليكي تتخيلي انك منافقه
لكن لا خالص انتي مسلمة كويسه لكن الدنيا هي سجن المؤمن وجنة الكافر
ومن المنطلق ده بيلعب علينا الشيطان
الشطاره إننا نكون منتبهين ولا نؤجل التوبة والرجوع الى الطريق الصحيح
موضوع في الجون يا رودي
ماشاء الله عليكي لا قوة إلا بالله
خالص مودتي
و...تــحــيــاتــي
بنوتة العسولة
ام البنات بيبتى
عاشقة الزمن الجميل حبىىىى
اولا :شكرا جدا على مروركم الرائع
بس انا مش عارفة اقول ايه غير ان ده احسن موضوع انا كتبته لانه بجد بجد محسوس اوى و بقالى كتير بفكر فيه
و انتو خلتونى احس انى بعمل حاجة مفيدة مش اى كلام
جزاكم الله خيرا.....
من النعم ان يمتلك الانسان
تلك النفس اللوامه
فى الوقت دة
النفاق بقى عادى فى حياتنا
بس السؤال ليه كدة؟؟؟؟؟؟؟؟؟
المهم بقى
مدونتك جميييييييييله جدا
وبالنسبة للبوست اللى فات انا بمووووووووت فى الشيكولاته جدا جدا
دمتى بحب ومودة يا قمرايه
http://www.blogger.com/profile/03149801205175680292
ابقى زورينى
السلام عليكم
أحييكي يا صديقتي على شجاعتك في الاعتراف و أقولك ان الواحد فعلا بيحس بنفس الشعور دا كل يوم و كل ساعة
عايزة أتوب توبة كويسة
فزي ما قلتي في الآخر ان الواحد لازم يبطل الصغائر علشان مش يوصل للكبائر
بحييكي و بحيي كل البنات و الناس الحلوة اللي عندك و ربنا يكتر من أنفسكم الطاهرة و يهدينا كلنا و يوفق الجميع يا رب
حياكم الله
إرسال تعليق