فى عيد ميلادك كل الناس بتقولك كل سنة و انت طيب
طبيعى جدا ماااشى خير طبعا هاتكون فرحان و مزقطط
النهارده عيد ميلادك يا سلام احلى يوم فى حياتك اكييييد
بس انا رايى مختلف!!!!!!
انا سمعت الشيخ خالد الجندى بيقول:ازاى تحتفل بيوم فات من عمرك فيه سنة؟؟
الصراحة الراجل كلامه مقنع
انت يوم عيد ميلادك مش عمرك بيزيد سنة لا لا عمرك بيقل سنة
و كل سنة من عمرك بتفوت صعب ترجعها تانى ده الدقيقة استحلة ترجع مابالك سنة؟؟؟
بس يوم عيد ميلادك لازم تسال نفسك سؤال
هل السنة اللى عدت من عمرى كسبتها ولا خسرتها؟؟؟
فوتت على نفسى فرصة انجو من النار ولا اغتنمت الفرصة ؟؟؟
انت و انا و كلنا يوم عيد ميلادنا نكون فرحانين
مااااشى......بس كما لازم نزعل لو كنا فوتنا السنة ده كده
مين عارف مش يمكن ماعيشش عشان اعدى سنة كمان
انا كمان اكيد ضاع منى كتير من الايام و الوقت بس لازم نفوق ونعرف ان اللى فات اللى جاى مش قده و اللحظة من عمر البنى ادم مش بترجع تانى.
شوف بقى كام سنة من عمرك عدت و انت بتحتفل بيها بدل ما تبكى عليها
انا مش قصدى اضايقكم ولا افول على اللى هايقرو الرسالة ده و يكون عيد ميلادهم يومها او قريب بس انا بنصحك
اكسب السنة ده قبل ماتعدى عليك و ساعتها هاتتمنى لو انك لم تولد من الاصل عشان ماتفوتهاش
(اسفة لو كنت نكدية و ربنا يجازينا على نيتنا)
8 اللى زارونى:
وانت طيبه يا حبيبة خالتو
ايه التدوين الرهيب ده
بس ممكن كل كام يوم تدوينه علشان نتابع
ولا هتجنينيى بالتدوينات ورا بعض
خليك جدعه ودونى كل اسبوع وكمان زورى الناس فى مدوناتهم علشان يعرفوك
هما هيعرفوك إزاى يعنى؟
بس بوست قوى
جعله الله فى ميزان حستك يا قمرايه
صحيح
انا برد مش على كل سنه وانت ميت
لاء على كل سنه وانت طيب لما عرفت انك هتخلى بالك من الايام الجايه علشان منضيعيهاش زى الايام إللى راحت
يا حبيبتي يا رودي
إيه الفلسفه دي كلها؟
ربنا يحميكي وينور ليكي عقلك دايما
فعلا كلامك مظبوط وأنا معاكي في كل أفكارك دي
صحيح الانسان بيقل في عمره سنه لما بتعدي سنه
وفعلا المفروض نحاسب أنفسنا قبل أن نحاسب
ربنا يجعل موضوعك ده ناقوس تنبيه لكل انسان غافل ولاهي عن سبب وجوده في الحياة وهو التزود لليوم العظيم يوم الحساب
أفدتيني يا رودي وسبحان الله أنا النهارده قاريه مقال بنفس الفكره وهي محاسبة النفس
بارك الله فيكي وفي انتظار المزيد
ام البنات ,مصرية فعلا انا مبسوطة لانكم شاركتم فى الموضوع و مشاركتكم ادتو قيمة بجد
السلام عليكم ورحمة الله وبركاته
ازيك يارضوي ايه الحاجات الجميله دي
من شابهه خالتو بئه ^_^
جميل البوست بس مينفعش نقول كل سنه وانت ميت صعبه اوي
الفكره طبعا ممتازه ربنا يجازيكي عنها كل خير
بجد بحيكي عليها
والله عندك حق
الواحد ابتدى يخاف اكتر وأكتر
اللهم إنا نسألك حسن الخاتمه
بقى كدة
اول ما اجى اعلق على بوست الاقى اسمه كل سنه وانت ميت
عندك حق فى اللى قلتيه طبعا مفيش حد مش بيزعل على عمرة اللى راح حتى مهما كان صغير .. لكن فى عيد ميلاد واحد صاحبى لو قلتله كل سنه وانت ميت هيقطع علاقته بيا فورا
ولو قلتها لزوجتى هبات ليليتها فى القصر العينى عنبر الكسور
بس تذكرة كويسه وماشاء الله على اسلوبك ممتاز كبدايه
هتطلعى لمين غير لخالتوا صحيح على راى مستكه
بالتوفيق ان شاء الله دايما
انا والله ماقصد و انا قلت كده فى الاخر بس انا بذكر الناس طبعا مش هانقول لواحد فى عيد ميلاده كل سنة و انت ميت!!!!
هههههه بس العنوان جه كدهمش حاجة لازمة يعنى
إرسال تعليق