الموبايل....الموبايل
الموبايل كل حاجة فى حياتنا ,لازم نعترف ان احنا مانقدرش نبعد عنه و نستغنى عنه
طبعا كلنا بنستخدم الموبايل ده يمكن فى تلت اربع حياتنا
ده حتى لغى صلة الرحم!!!!!
اه لغاها اى واحد حب يسال عن امه او ابوه برنة واحدة يعرف اخبارهم ايه
اه طبعا ده تكنولوزجيا و تطور و بتساعد فى الوقت اللى احنا عايشينه و انا عن نفسى ماقدرش استغنى عنه و ده اعتراف
لكن برده انك تزور حد غير انك تكلمه
طيب بذمتك لو واحد جه يزورك احسن؟؟؟ولا اللى يكلمك فى الموبايل مكالمة نص دقيقة ولا ايه بيوفر فى الرصيد؟؟؟؟؟
ههههههه,طبعا انا من اكتر الموفرين فى الرصيد لانى مش بشحن غير ب10 جنيه و مش كل شهر
لكن انا اقصد ان الموبايل بقى بيمثل جزء كبير من حياتنا دلوقتى
انا مثلا:ماقدرش اخرج من بتنا غير و انا معايا الموبايل
طيب ليه؟؟ فرضا انهم ماخترعوش الموبايل اساس كانت حياتنا هاتتاخر
كمان دلوقتى الموبايل بيستخدموه عشان يطنشوا بعض
تلاقى الواحد قافل موبايله عشان محدش يكلمه ولا يعرفله طريق طيب امال جايبه ليه؟؟؟؟؟
و كل الامثلة ده و غيرهاكتير ماتنفيش ان فيه ناس بتستخدمه فعلا استخدام سليم و فعلا محتاجاه
انا بعترف انى ساعات مش بحتاجه و ساعات مش بحتاجله بالمرة لكن ساعات بقول ازاى ابقى وسط اصحابى ماعنديش موبايل يعنى منظرة
بجد بقى اللى بيضايقنى,تلاقى واحد كحيان و مش لاقى اللضل و معاه موبايل بالفين جنيه يعد يحوشله بس مايحوش لشقة ولا لجهاز يتجوز بيه وهو مش لاقى ياكل و ماسك موبايل اد مرتبه ولا ماهيته 16 مرة
طيب ليه انت اولى بالفلوس ده من انك تحطها فى جهاز لو باظ هاتصرف على تصليحه قد تمنه و ساعتها تقول ماعيش فلوس
غير بقى المضار اللى بيسببها الموبايل لجسم الانسان إذ تم اكتشاف أضرار يسببها المحمول عبر التعرف على التغيرات البيولوجية التي تحدثها إشعاعات الهاتف في أداء خلايا الجسم وقال دريوز ليسينسكي خبير الأشعة وأحد المعنيين بهذه الدراسة إن الإشعاعات الصادرة عن المحمول تؤثر بشكل أو بآخر على نظام البروتين (فامنتين) الموجود في خلايا جسم الإنسان مما يعرض هذه الخلايا لتغيير طريقة عملها وفاعليتها.
ده بس جزء صغير من اللى مكتوب انا بس حبيت اوضح مدى تأثير الموبايل علينا
معلش طولت عليكو بس بجد كان نفسى تعرفو الحقيقة ده
3 اللى زارونى:
بنوته صغيورة
ايه الكلام الكبير ده
ماشى يعنى تقدرى تستغنى عن الموبايل
اصل المشكله انه سهل متسخدميهوش بس الصعب انك تبطلى تسخدميه بعد ما استعملتيه
يعنى انك متجربيش الحاجه سهل
لكن انك تتحرمى منها بعد استخدامها صعب
كمان عندك حق فى موضوع المنظره ان الواحد يكون ظروفه ضيقه ةيصر على موبايل غالى
ربنا يهدى الجميع
ام البناااااااااااااااااات
انا يشرفنى انك تكونى اول المعلقين
ايه رايك بقى؟؟؟
يا رب البلوجر بتاعى يكون حلو
والله موضوع مفيد فعلا
وكمان كلامك كله صحيح
بس للأسف خلاص سبق السيف العزل ومش هنقدر نستغنى عن هذا الاختراع الرائع
هو أنا بس اللي بيضايقني منه أضراره الخطيره على الجسم عامة وعلى المخ بشكل خاص
لكن هو نفع الناس بشكل واضح الحقيقه
يعني أنا امبارح كنت نازله مشوار ضروري ونسيت عنوان المكان ده وانا في التاكسي
تخيلي يعني كنت هعمل ايه لو ماكانش الموبايل في ايدي واتصلت وأخدت العنوان تاني
وقيسي على كده حاجات كتير
على العموم برضه موضوعك فيه فايده كبيره وبرضه دقة ناقوس للتحذير من الأضرار الخطيره للموبايل على صحة مستخدميه
جعلك الله دائما ناقوسا لهداية الناس لما يفيدهم وينفعهم
تحيـــاتــي
إرسال تعليق